انا شروگي …..
تنسب هذه القصيده للشاعر الكبير عريان السيد خلف ( رحمه الله )
وكلمه شروگي تخص محافظات البصره والعماره والناصريه أكثر محافظات قدمت من أبطال ومناضلين ومفكرين و مبدعين من مبدعي العراق الحديث والتاريخ القديم ومعلوم أن كل الأحزاب العراقيه اليسارية والقوميه والإسلاميه والتيارات الفكريه المهمه رموزها من هذه المحافظات
تم القاء هذه القصيدة عندما كان الشاعر متوجهاً لالقاء قصيدة أخرى على خشبة المسرح الوطني وتناهى الى سمعه كلام إحدى الحاضرات التافهات قولها ( هذا الشروكي ) فغير القصيدة المزمع القاءها وارتجل هذا الابداع الذي لم ولن ينساه كل جنوبي وشروگي أصيل (سومري) مع كل الحب للشاعر الكبير الراحل ، رحمة الله عليه …
أنا شروگي أنا شروگي أنا شروگي
أنا الما بدلت طبعي .. أنا الماصير أبد لوگي ..
أنا المامش دغش بيه .. الذهب مصيوغ من طوگي ..
أنا الشاري أبد ما أبيع .. أنا الما بدلت سوگي ..
…أنا الغيره .. أنا النوماس ينبض دوم بعروگي ..
حنين إتفيض بيّ الگاع ..إنشد أهلي ونوگي ..
عسل صافي حلو بالضوگ .. طبع العسل من ضوگي ..
أنا مرود يكحل العين .. مو بوگ الكحل بوگي ..
أنا الفالة أنا المگوار .. أكلي وشربي وريوگي ..
إبن واسط ، إبن ميسان ، يفلش الجبل طابوگي ..
مضيف آني ودلالي .. إتفوح طيب ومرجلة بنوگي ..
أنا عنوان إلي بالسوگ .. أشيخ شيوخ من سوگي ..
أنا عيط النخل ياهيه .. برحي الرطب بعثوگي ..
أنا عالي اظلن فوگ .. ما أقبل علو فوگي ..
أنا طير اليحط إعليك .. وأنت تلملم إضروگي ..
أنا سري فلا مفضوح .. ما يفشيه صندوگي ..
بالسكتات أموتنّك، أفتگ بيك ، شيخيّطلك إفتوگي ..
أنا الثابت أبد ما أميل .. أنا الما بدلت موگي ..
وأنا الما تيهت خلي وبعت دمعات معشوگي ..
ولا گالو عليّ دجال .. ماله ربع طگطوگي ..
من عندك لفاني الظيم .. وإنت اللعب بطروگي ..
نجس إنت وأعرفك زين .. إبيّك چلب وإسلوگي ..
وأنا ثوبي يصير إعلوگ .. تشفه الناس بعلوگي ..
لجل هذا أظل عريان .. سيد أصلي وشروگي ..
أنا … شروگي